Abschluss

Drmit üse lieblings-buur stefan sis land imne einigermasse guete zuestand zrüggbechunnt, hei mir am morge au üsi zeut  u lagerboute abbrozzt und aui löcher wider zuebuddlet. z letze zmittag het üs när die liebi chuchi vorbereitet, s het feini chässchnitte gä. 

u scho het üse lagerplatz bis uf chli trochnigs gras u brandfläckä usgseh wie vor 2 wuche womerne z 1. mau hei gseh.

üses boum-grät isch leider igendwie verschwunde. mir hei dr ganz platz mehrmals abgsuecht aber weder z grät, no üsi patent si wider uffindbar gsi. ä schöne blämu für üs, itz chöimer nüt veröffentleche!

churz vor de 3 heimer när üsi rucksäck gschnappt u si losgloffe. Maske montiere, i zug ine, in olte umstige, in bern use, no e rundi uh-à-lele u scho simer wider zrügg ufder grosse schanze gsi. z übrige esse, d abzeiche und üsi büechli si verteilt worde u ner simer schowider vo enang gange. 

und de het üses SoLa schowider ar vergangeheit aghört..

Liebi SMBler*inne, ds Sola mit euch aune het uh mega spass gmacht. Bsunders gfaue het üs di augemeini stimmig ider gruppe u wi positiv u hiufsbereit aui mit enang si umgange. de letscht abe am füür mit em rägäbogä und de liebe briefe het für üs genau die stimmig ihgfange u blibtnis i legendärer erinnerig. schön sitt dir aui derbi gsi!

Widermau startemer i rest vode summerferie mit übermüedig aber ganz fiune schöne gedankä u erinnerige. Mir hoffe dir sit geng no aui vou derbi i üsre Pfadi u de gseh mer üs i gar ni so langer zit wider aui bir Mariechile!

Liebe Gruess u häbets guet u nähmet aui no e schwader ir Aare!

Mate und Lava vor terassä im aabeliecht